Chiesa “skuqet” në debutim, Juventus ngec edhe ndaj Crotones

Chiesa “skuqet” në debutim, Juventus ngec edhe ndaj Crotones

0Shares
Chiesa “skuqet” në debutim, Juventus ngec edhe ndaj Crotones

Juventus ngec sërish në ttansfertë, pasi nuk shkoi më shumë se një barazim 1-1 në transfertën ndaj Crotones së ngjitur rishtazi në elitën e futbollit italian.

Pa Cristiano Ronaldon në fushë, bardhezinjtë vuajnë jo pak në ndërtimin e manovrës sulmuese, ndërsa aventura e Pirlos si trajner është larg pritshmërive, pasi Juventusi i tij ka marrë vetëm 5 pikë në tre ndeshje të luajtura në fushë.

Sfida nisi mjaft mirë për vendasit, që pas një aksioni tē shpejtë, fituan një 11-metërsh në minutën e 12′, pas një faulli të Bonuccit në zonë, ndërsa qendërmbrojtësi bardhezi u ndëshkua edhe me karton të verdhë. Nga pika e penalltisë shkoi sulmuesi kryesor i Crotones, Simmy, i cili gjuajti saktë dhe mposhti Buffon, duke u dhënë vendasve avantazhin, që gjithsesi zgjati vetëm 9 minuta.

Kjo sepse Juventus shtoi presionin dhe pas njē aksioni të shpejtë nga krahu, ishte sulmuesi i afruar rishtazi në Torino, Federico Chiesa që shërbeu saktë për Moratën dhe ky i fundit shtyu topin në rrjetë duke barazuar shifrat. Megjithatë debutimi i ish sulmuesit të Fiorentinës u prish në minutën e 60′, kur pas një ndërhyrjeje me takë në gjysmëfushën kundërshtare, u ndëshkua direkt me karton të kuq dhe la bardhezinjtë me 10 futbollistë.

Pirlo provoi të freskojë skuadrën dhe ndonëse me 10 futbollistë, Juventusi ia doli të shënojë edhe golin e dytë me Moratën nē minutën e 79′, por pas pak çastesh pritjeje, VAR e anuloi për një pozicion jashtë loje milimetrik të sulmuesit spanjoll. Vërshëllima finale e arbitrit la në fuqi barazimin 1-1, që është i dyti në 3 ndeshje të Juventusit, me bardhezinjtë që ngjiten nē kuotën e 8 pikēve edhe falē fitores 3-0 ndaj Napolit, në tavolinë.

Sponsorizuar
2020 . All rights reserved.